Burdin aleazioak

Gure enpresak labe elektriko eta isuriketa arlorako burdin aleazio egokituen aukera handia eskaintzen du. Aleazio hauek tamaina ezberdinetan aurkezten dira eta fundizioaren propietatek aldatzeko gaitasuna daukate. 25 kg-ko poltsetan eta 0.5 kg metal pisu garbiko poltsa txikietan merkaturatzen dira.


Burdin silizioa: silizioak fundizioko karbonoaren grafitizazioa hobetzen du. Burdina herdoilgabetu eta inokulatzaile bezala jokatzen du grafitoaren prezipitazioa finduz eta zuzenduz , horrela piezaren propietate mekanikoak hobetzen ditu, piezaren muturretan zuriketa baztertuz.

Burdin manganesoa: manganesoa fundizioko sufrearekin konbinatzen da, trakzio erresistentzia eta Brinell gogortasuna handitzen dituelarik.

Burdin Kromoa: grafitizantearen aurkakoa, eta ale fintzailea. Trakzio, flexio, korrosio, higadura... erresistentziak hobetzen ditu. %1 eta 2 artean bero erresistentzia hobetzen du.

Kobre: egitura perlitikoa lortzen du ale leunduz. Trakzio eta gogortasun erresistentziak hobetzen ditu. Piezaren gogortasuna homogeneizatzen du.

Burdin molibdenoa: trakzio erresistentzia nabarmenki handitzen du. Iraunkortasuna, gogortasun altua eta higadura erresistentzia handiak ematen ditu.

Nikel: grafitizazio osagaia, galdaketan erresistentzia handia, trinkoa eta dentsoa eragingo ditu. Piezaren lodiera maila ezberdinetan ezaugarri mekanikoak homogeneizatzen ditu. Piezen makinagarritasuna hobetzen du.

Kaltzio karburoa: burdina desulfuratzeko erabiltzen den produktua.

Grafito eta birkarburatzaileak: karbonoa gehitzeko osagaiak dira.

Funditzaileari osagaien doiketa errazteko, Ilarduyak BRIKETEN fabrikazioa garatu du, labearen ahoan ezartzen direnak. Briketen erabilerak ondorengo abantailak dakartza:

• Dosifikazio zehatza briketa bakoitzak Kilo bat osagai aleatu izateagatik.
• Pisatze prozesuko akatsen saihespena.
• Partikula mehe eta hautsen desegitea.
• Identifikazio erraza kolore ezberdinei esker.
• Biltegiaren gutxitzea.
• Kubilotearen errendimendu altuak.

Siliziozko briketak: silizioak grafitizante osagai bezala jokatzen du, burdina desoxidatuz eta grafitoa ugarituz. Honela, isurgarritasuna handitu eta mekanizazio propietateak errazten ditu.

Manganesozko briketak: manganesoak sufrearen edukia jaisten du burdin sulfuroaren agerpena saihestuz, burdinarentzat konposatu kaltegarria dena. Manganesoak ale finean egitura perlitikoa sortuko du.

Kromozko briketak: Kromo grafitizantearen aurkakoa eta ale fintzailea da. Elementu kimiko honek, trakzio, flexio, korrosio, higidura... erresistentziak hobetzen ditu. %1 eta %2 bitarteko portzentaien bero erresistentziak hobetzen du.

Karburo Siliziozko briketak: karbonoa eta silizioa dakartza. Zametan altzairu portzentaia handiagoa erabiltzea onartzen du. Desoxidante ona da. Isurgarritasuna eta piezen mekanizazioan erraztasuna hobetzen du.

Fosforo briketak: burdin likidoaren isurgarritasuna eta higadura erresistentzia hobetzen ditu. Portzentaia handiekin urtutako piezetan hauskortasuna gerta daiteke.

Espato Fluoro briketak: (labe / kubilote)ra eransteak desulfurazioa eragiten du, hondakina jariotu eta urtutako burdinaren tenperatura hobetzen du. Karga metalikoaren arabera %1-etik 2-ra gehitzea gomendatzen da.